語言毋單止是溝通的工具，更是文化傳承的靈魂。教育部舉辦「臺灣台語語言能力認證」，上大的意義毋是欲愛逐家去考懸分，是希望透過制度化的檢測，予咱的囡仔、老師，攏會當重新走揣講母語的自信佮光榮感。

語言若活，文化就袂謝，當咱會當用在地的語言來表達思想、描寫生活，咱就已經佇咧守護這塊土地的記持。認證只是一個開始，伊代表咱對家己文化的認同。我誠懇邀請逐位教育夥伴，做伙通過認證。